பத்தி 25

இந்த இந்துமதமே, இம்மண்ணுலகின் அருளுலகத்தைப் பொறுத்தவரை, அருளுலக விதைப் பண்ணையாகவும், அருளுலக நாற்றுப் பணையாகவும், உருவாக்கப்பட்டிட்டது.

எனவேதான், இந்த உலகில் முதன்முதல் தோன்றிய மிகப்பெரிய நிலப்பரப்பான இளமுறியாக் கண்டமெனும் குமரிக் கண்டத்தில் இந்து மதத்தின் அலுவலகங்களாகவும், செயலகங்களாகவும், உருவாக்கப் பட்டிட்ட அனைத்து வகையான நிறுவன நிர்வாகங்களும்; காலப்போக்கில் மூன்று கடல் கோள்களால் இளமுறியாக் கண்டம் சிதைந்து புதிய புதிய கண்டங்களும், சிறிய பெரிய தீவுகளும் தோன்றத் தோன்ற அங்கெல்லாம் உடனுக்குடன் உருவாக்கப்பட்டிட்டன.

அதாவது, அண்டபேரண்டமாளும் பதினெண் சித்தர்களும், பதினெட்டாம் படிக் கருப்புகளும், இவர்களைச் சேர்ந்தவர்களும், இம்மண்ணுலகோடு மிக நெருக்கமான தொடர்புகளை வைத்துக் கொண்டிருக்கிறார்கள் என்பதால், புதிது புதிதாக நிலப்பரப்புக்கள் தோன்றியவுடன் அங்குள்ள அருளுற்றுக்களை யெல்லாம் கண்டு பிடித்து முறையாக நாற்பத்தெட்டு (48) வகைக் கருவறைகளையும், 48 வகை வெட்டவெளிக் கருவறைகளையும், 48 வகை வழிபாட்டு நிலையக் கருவறைகளையும், 48 வகைக் கோயில்களின் மூலக்கருவறைகளையும் தோற்றுவித்து அண்ட பேரண்டமாளும் இந்து மதம் வேரூன்றித் தழைத்திடும்படிச் செய்திடுகிறார்கள்.

எனவேதான் இந்த உலகம் முழுவதுமே இந்து மதம் பரவியிருக்கும்படியான நிலைமை உருவாயிற்று. மேலும், புதிது புதிதாகத் தோன்றிடும் நிலப்பரப்புக்கள் அனைத்திற்கும், கடல் கோள்களால் சிதைவுற்ற இளமுறியாக் கண்டத்தின் மக்களான நாகரீக முதிர்ச்சியடைந்த தமிழர்கள்தான் காலப்போக்கில் சென்று குடியேறினார்கள்.

அப்படி அவர்கள் குடியேறியபோது அங்கு இயற்கையாகவே தோன்றியிருந்த மனிதர்களுக்கு இந்து வேதத்தையும், இந்து மதத்தையும் கற்பித்தார்கள்.

அப்படி அவர்கள் இந்து வேதத்தையும் இந்து மதத்தையும் கற்பிப்பதற்கு சரியாக ஏற்கெனவே அண்ட பேரண்டமாளும் பதினெண் சித்தர்களும், பதினெட்டாம்படிக் கருப்புக்களும் உருவாக்கிட்ட இந்து மதத்தின் நிறுவனங்களான கோயில்கள், கோயில் மூலக் கருவறைகள், வெட்ட வெளிக் கருவறைகள், வழிபாட்டு நிலையக் கருவறைகள் எனும் நான்கும் இருந்திட்டன.

இவற்றால்தான், இந்த மண்ணுலகில் தோன்றிட்ட பல்வேறு வகையான இன மக்களும் தங்கள் தங்கள் விருப்பப்படி, தங்கள் தங்களுடைய நாட்டின் இயற்கை நிலைகளுக்கும், இனப் பழக்க வழக்கங்களுக்கும் ஏற்ற வகையில் புதிய புதிய மொழிகளையும், மதங்களையும் தோற்றுவித்த போதும் கூட, அந்த மொழிகளனைத்தும் தமிழ் மொழியினையே அடிப்படையாகக் கொண்டவைகளாகவும், மதங்களனைத்தும் இந்து மதத்தையே அடிப்படையாகக் கொண்டவைகளாகவும் உருவாகின, உருவாகின உருவாகின.

இந்தப் பேருண்மை காலப்போக்கில் மறக்கப்பட்டு விட்டது, மறக்கப் பட்டு விட்டது, மறக்கப் பட்டு விட்டது. அத்துடன் காலப்போக்கில் உலக மானுட இனங்களுக் கிடையில் போட்டி பொறாமைச் சண்டைச் சச்சரவுகளும், போர் வெறிகளும், ஆதிக்கப் போர்களும் மூண்டு விட்டன.

அப்படி உலக மனித இனங்கள் ஒவ்வொன்றும் மற்றவற்றைப் பகைத்து, எதிர்த்துப் போரிட்டுச் சிதைத்துச் சீரழித்து அடிமைப்படுத்தி ஆதிக்கம் செலுத்தும் போர் வெறி முயற்சிகளில் ஈடுபட்டுவிட்ட காரணத்தினால்தான், உலக முழுவதும் உள்ள மொழிகள் அனைத்திற்கும் அருளூறு அமுதத் தெய்வீகச் செந்தமிழ் மொழிதான் அடிப்படை என்ற பேருண்மையும் உலக மதங்கள் அனைத்திற்கும் அண்ட பேரண்ட மதமான இந்து மதமே அடிப்படை என்ற பேருண்மையும் கண்மூடித்தனமாக மறுக்கப்பட்டன. மறுக்கப்பட்டன, மறுக்கப்பட்டன, வெறுத்துப் புறக்கணித்து ஒதுக்கப் பட்டன, வெறுத்துப் புறக்கணித்து ஒதுக்கப் பட்டன, வெறுத்துப் புறக்கணித்து ஒதுக்கப் பட்டன.

இப்படியாகத்தான் உலக மானுட இனங்களுக்கிடையில் முளைத்திட்ட போட்டி பொறாமைச் சண்டைச் சச்சரவுகளும், ஆதிக்கப் போர் வெறிகளும் நன்கு கிளைத்துச் செழித்துக் கொழுத்து வெறிகளும் நன்கு கிளத்துச் செழித்துக் கொழுத்து வளரலாயின.

அதன் விளைவாக மனித இனங்களுக்கிடையே நடந்த போட்டி பொறாமைச் சண்டைச் சச்சரவுகளும், ஆதிக்கப் போர் வெறிகளும் மொழிகளுக்கிடையிலும், மதங்களுக் கிடையிலும் முளைத்துக் கிளைத்துச் செழித்துக் கொழுத்து வளர்ந்து விட்டன, வளர்ந்து விட்டன, வளர்ந்து விட்டன.