Sitemap   அச்சிடற்கு ஏற்றது  

ஆரம்பப் பக்கம் > இந்து வேதம் > பத்தி 14

பத்தி 14

இந்த உலகத்தை நான்கு வகைப்பட்ட நிலங்களாக

  1. குறிஞ்சி (மலையும் மலைசார்ந்த இடமும்),
  2. முல்லை (காடும் காடு சார்ந்த இடமும்),
  3. மருதம் (வயலும், வயல் சார்ந்த இடமும்),
  4. நெய்தல் (கடலும், கடல் சார்ந்த இடமும்)

என்று நான்கு பெரும் பிரிவுகளாகப் பிரித்திருக்கிறார்கள் பதினெண்சித்தர்கள். எனவேதான், இந்த உலகத்தை நானிலம் என்று பெயரிட்டார்கள்.

இதனடிப்படையிலேயே இந்து வேதத்தின் உறுப்புக்களை பூசை மொழி, பூசை விதி, தத்துவம், செயல் சித்தாந்தம் என்று நான்கு பகுப்புக்களாகப் பிரித்தார்கள்.

இதே போல், இந்து வேதத்தின் செயல் வடிவமான இந்து மதத்தின் செல்வங்களை மறைகள், முறைகள், நெறிகள், வேதங்கள் என்று நான்காகப் பகுத்தார்கள்.

இது மட்டுமின்றி இந்த நான்கிலுள்ள ஒவ்வொன்றையுமே நான்காகப் பகுத்து நான்மறைகள், நான்முறைகள், நானெறிகள், நான்வேதங்கள் என்று ஆக்கியிருக்கிறார்கள்.

இதேபோல், இந்து வேதத்தின் செல்வங்களாக அதாவது, இந்து வேதத்தைப் பயன்படுத்தி அருளை அநுபவப் பொருளாக விளைவித்துக் கொடுக்க கூடிய சாதனங்களாக நான்கு வகைப்பட்ட இலக்கியங்களை சுருதி, ஆரணம், ஆகமம், மீமாம்சை என்று படைத்திருக்கிறார்கள்.

இந்த நான்கும் இந்து வேதத்தின் அடிப்படைகளையும், உள்ளீடுகளையும், உயிரோட்டங்களையும் சாறாக்கப் பட்டவைகளேயாகும்.

எனவே தான், இந்து வேதத்தின் செயல் வடிவமான இந்து மதத்தின் செல்வங்களை மறை, முறை, நெறி, வேதம் என்று நான்கு பெரும் பகுப்புக்களாகப் பகுத்து; அவை ஒவ்வொன்றையுமே நான்மறை, நான்முறை, நானெறி, நான்வேதம் என்று நான்கு உட்பகுப்புக்களாக பகுத்தது போல்;

இந்த இந்து வேதத்தின் செல்வங்களாக சுருதி, ஆரணம், ஆகமம், மீமாம்சை எனும் நான்கையும் நான்கு சுருதிகள், நான்கு ஆரணங்கள், நான்கு ஆகமங்கள், நான்கு மீமாம்சைகள் என்று ஒவ்வொன்றையும் நான்கு உட்பிரிவுகள் உடையதாக பகுத்திருக்கிறார்கள்.

அதாவது இந்து வேதத்தின் செல்வங்களும் பதினாறு பிரிவுகளை உடையவைகளாக அதாவது, பதினாறு வகைப் பட்டவைகளாக உருவாக்கப் பட்டிருக்கின்றன.

இந்து வேத்தின் செயல் வடிவமான இந்து மதத்தின் செல்வங்களும் பதினாறு வகைப்பட்ட பிரிவுகளாக அதாவது, பதினாறு வகைகளாக உருவாக்கப் பட்டிருக்கின்றன.

மதம் என்பதின் பொருள்

மதம்: - அண்டபேரண்டம் ஆளும் மூலப்பதினெண்சித்தர்கள் மதம் என்ற சொல்லுக்கு தமிழ், அமிழ்து, உயிர், முழுமையானது, நிறைவானது, நிம்மதியானது, அன்பானது, அடக்கமானது, அமைதியானது, அழகானது, பயன்மிக்கது, சுவைமிக்கது, ஒப்புயர்வற்ற நல்ல வழி, நல்ல வழிகாட்டி, நல்ல வழித்துணை, அரிய வழிப்பயன், பண்பட்ட ஒழுகலாறு, முழுமையான தத்துவம், ...  என்று எண்ணற்ற சொற்களாலும், சொற்றொடர்களாலும் பொருள் கூறுகிறார்கள்.

வேதம் என்பதின் பொருள்

வேதம் என்றால் வேதிக்கப்பட்டது, சமைக்கப்பட்டது, பக்குவப்படுத்தப் பட்டது, பதப்படுத்தப் பட்டது, பண்படுத்தப்பட்டது, முழுமையான வளர்ச்சியைப் பெற்றது, தேவையான முதிர்ச்சியைப் பெற்றது, சுவைமிக்கது, பயன்மிக்கது, இன்றியமையாதது, சிறந்த துணையாக இருப்பது, ... என்று பல பொருள்கள் உண்டு.

 

இந்து என்பதின் பொருள்

இந்து என்ற சொல்லுக்கு விந்து, உயிரணு, உயிர், உயிரின் கரு, திங்கள் (நிலவு, சந்திரன்) அன்பு, அழகு, அருள், அடக்கம், அமைதி, அமுதம், அரிது, அறிவு, அளப்பரியது, அடைதற்கரியது, அடைக்கலம், அந்தம், அண்டம், அண்டபேரண்டம், அருவம், அருவுருவம். . .; ஆற்றல், ஆர்வம், ஆக்கம், ஆதரவு, ஆதவன், ஆவி, ஆன்மா, ஆருயிர், ஆண்டவன், ஆகமம், ஆரணம் . ..; இறை, இன்பம், இயற்கை, இசைவு, இயக்கம். . .; ஈவு, ஈர்ப்பு, ஈசன், ஈதல் . . . ; ...; என்று விரிவஞ்சி தமிழிலுள்ள முதன்மையான எழுத்துக்கள் ஆரம்பமாகக் கொண்ட சிலசில சொற்கள் மட்டும் இங்கு எடுத்துக் காட்டப்பட்டிருக்கின்றன.

மேலே