01:09:22

இருக்குவேதம் காண்டம் 1; மண்டலம் 9; நாள் உரைக்கோவை வாசகம் 22:-

“அனாதில் காலமெனப்படும் நானூற்று எண்பத்தைந்து ஆயிரமாண்டுகளுக்கு மேல் தொளாயிரத்து இருபது ஆண்டுகளுக்கும் உரிய மிகப்பெரிய கால இடைவெளியில்; இம்மண்ணுலகுக்கு வந்திட்ட பல்லாயிரக் கணக்கான பதினெண்சித்தர்கள் குழுக்களின் தலைவர்களான அனாதிசிவன்கள்; இம்மண்ணுலக பயிரின உயிரினங்களின் ‘ஈசர்களாகத்’ தோன்றி தலைமை வாழ்வு வாழ்ந்திட்ட (மண் + ஈசர்கள்) ‘மணீசர்களை’ ஒழுங்குபடுத்திட அரும்பாடு பட்டார்கள். அப்பொழுது அவர்களுக்குத் துணையாக இம்மண்ணுலகில் உருவாகிட்ட அருளுலகத்தவர்கள் ‘மண்ணுலக ஐவர் குழு’ என்று ஒன்றுதிரட்டப்பட்டார்கள். அவர்கள்

1. முப்பத்துமூவாயிரம் கோடி தேவர்கள்
2. நாற்பத்தெட்டாயிரம் கோடி இருடிகள்
3. ஆயிரம் கோடி தேவதைகள்
4. தொண்ணூற்றாறு ஆயிரம் கோடி கணங்கள்
5. நூற்றெட்டாயிரம் கோடி முனிவர்கள் ஆவார்கள். இவர்களனைவரும் காலப்போக்கில் ஒன்று திரண்டு; அனாதிக்காலத்தில் இம்மண்ணுலகுக்கு வந்திட்ட பல்லாயிரக் கணக்கான பதினெண்சித்தர் குழுக்களின் பீடாதிபதிகளான ‘அனாதிசிவன்களு’க்குத் துணையாக இருந்து உதவி செய்தார்கள். அதனால், இம்மண்ணூலகுக்குரிய ‘நீதி நூல்கள்’ உருவாயின. இப்படி அனாதிசிவன்கள், இம்மண்ணுலக வாழ்வுக்குரிய ‘மணுநீதி’யை உருவாக்குவதற்காக அனுப்பப்பட்டதால்; இவர்கள் ‘மணுநீதியார்கள்’ என்று குறிக்கப்படுகின்றனர். இவர்களின் சிறப்புக் கருதியே பதினெண்சித்தர்கள் குழுவின் ‘மணுநீதியார்’ என்ற பெயர் ஒருவருக்கு வழங்கப்பட்டது.

தொடர்புடையவை:

• அசுர வேதம்-010821
• அசுர வேதம்-010848
• அசுர வேதம்-042839
• அசுர வேதம்-051715
• அசுர வேதம்-112739